Casado amaga con non inaugurar o curso político en Galicia pero finalmente si virá

O presidente do PP, Pablo Casado, volverá finalmente a acompañar ao líder do PPdeG e presidente da Xunta, Alberto Núñez Feijóo, no tradicional acto de apertura do curso político que os populares galegos celebran o sábado.

|

Durante anos, Rajoy inaugurou en setembro a axenda política cun mitin en Galicia. Casado descolgouse da cita a semana pasada, o que alimentou as informacións sobre as súas notorias diferenzas con Feijóo, pero finalmente si acudirá a Cercedo- Cotobade.


O presidente do PP, Pablo Casado, volverá finalmente a acompañar ao líder do PPdeG e presidente da Xunta, Alberto Núñez Feijóo, no tradicional acto de apertura do curso político que os populares galegos celebran o sábado.


Pablo Casado e Feijóo

Aínda que inicialmente, segundo fontes populares consultadas por Europa Press, houbo problemas de axenda que deixaron no aire a súa presenza, a formación que lidera Alberto Núñez Feijóo ratificou en 'Twitter' que Casado e o líder popular galego inaugurarán este sábado "un curso político transcendental para Galicia e España" en Cerdedo-Cotobade.

O acto, segundo avanzou o venres pasado o secretario xeral do PPdeG, Miguel Tellado, terá lugar na Carballeira de San Xusto do concello pontevedrés de Cerdedo-Cotobade. Está prevista a asistencia duns 800 militantes e simpatizantes.





UNHA TRADICIÓN DA ERA RAJOY
O problema de axendas fíxose evidente o pasado venres, cando os populares revelaron que Casado non acudiría ao comezo de curso político --como si facía tradicionalmente Mariano Rajoy--, aínda que avanzaron que si se desprazaría á comunidade a fin de semana seguinte. A pesar da aclaración, deu pé a lecturas sobre posibles diferenzas entre Casado e Feijóo. 

As diferenzas entre ambos os líderes fixéronse notar tamén nalgúns puntos do discurso nas últimas semanas. Por exemplo, Casado rexeitou a fusión de municipios e avogou por racionalizar o gasto, mentres que Feijóo sempre defendeu este tipo de unións. O acto do sábado celébrase, precisamente, nun dos dous concellos fusionados en Galicia baixo o mandato de Feijóo (Cerdedo-Cotobade e Oza-Cesuras).

Tras a súa visita a Galicia, Pablo Casado acudirá o domingo a Benidorm, mentres que o acto que tiña previsto en Málaga para o venres atrásase sen data concreta polo momento.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE