Detido por unha plantación de 320 quilos de marihuana en Mesía

|

A Garda Civil do Posto de Ordes (A Coruña) detivo a un veciño do municipio coruñés de Mesía no marco da 'Operación Sativa' no que foron intervidas 133 plantas.


Operación Popeye cun detido e 140 plantas de marihuana en Ourense.


Segundo informou o Instituto Armado, a operación iniciouse por mor de ter coñecemento a Benemérita da posible existencia dunha vivenda na zona de Mesía utilizada para a venda e distribución de marihuana.

A Garda Civil investigou os feitos e constatou que esa vivenda era habitada só por unha persoa, a cal se desprazaba frecuentemente a dúas leiras situadas en lugares illados.

Tras a realización de varias vixilancias na zona, a Benemérita sorprendeu ao sospeitoso cando realizaba labores de cultivo e rega dunha plantación de marihuana nunha das localizacións.

Os axentes solicitaron entón autorización xudicial para proceder ao rexistro das mesmas e localizaron dúas plantacións, nas que se incautaron de 133 plantas duns 2,20 metros de altura, en plena floración, que arroxaron un peso de 320 quilogramos.

A Garda Civil procedeu á detención desta persoa como presunta autora de dous delitos contra a saúde pública, un polo cultivo ou elaboración de substancias estupefacientes e outro pola venda das mesmas.

O detido, xunto coas actuacións realizadas, as plantas e os efectos incautados, foi posto ao dispor do Xulgado de Instrución Número 1 de Ordes.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress