Trasladan en helicóptero a un ferido grave en Lalín tras un accidente de tractor

Os accidentes de tractor seguen deixando un ronsel de traxedias no rural. Hoxe un mozo foi traslado ao hospital de Santiago en helicóptero ante a urxencia das súas feridas.

Un mozo resultou ferido de gravidade ao ser atropelado por un tractor nunha zona de monte na mañá deste sábado, no lugar de Sestelo, pertencente ao municipio pontevedrés de Lalín.

Do sucedido informou o 112 Galicia nun comunicado, no que explicou que o home foi evacuado en helicóptero ao Centro Hospitalario Universitario de Santiago despois das 8,30 horas deste sábado, cando o 112 Galicia recibía a chamada de aviso dun particular.

Tras a alerta, os xestores do Centro Integrado de Atención ás Emerxencias puxeron os feitos en coñecemento dos profesionais de Urxencias Sanitarias de Galicia-061, que mobilizaron ao helicóptero medicalizado con base en Santiago para trasladar ao novo, que, a pesar da gravidade das lesións, atopábase liberado e accesible.

Así mesmo, os servizos de emerxencias tamén explicaron que varios axentes da Garda Civil e da Policía Local foron alertados polo 112 Galicia co fin de aclarar as circunstancias do suceso. Os Bombeiros do Deza e o GES da localidade tamén foron avisados por se fose necesaria a súa intervención.