Vídeo: Conducindo cun amigo sobre o capó e outras cafradas recompiladas pola Garda Civil en Galicia

|

Non contentos con violar as normas de circulación poñendo en perigo a outras persoas, soben os vídeos para presumir ás redes sociais, o que finalmente permite a súa identificación


A Garda Civil  alerta das condutas perigosas nas estradas, con exceso de velocidade e condución temeraria, como o caso de dous condutores investigados pola Benemérita este verán, tras subir os vídeos ás redes sociais da súa circulación en estradas galegas.

A 200 POR PONTECESO
Nun caso, foi un condutor de 24 anos, localizado e investigado en Madrid por un delito de exceso de velocidade, tras circular en Ponteceso, pola AC-410, a 201 quilómetros por hora nunha vía limitada a 80 quilómetros por hora.

Tras uns feitos ocorridos o pasado 20 de xullo, O condutor foi xa condenado por un delito contra a seguridade viaria a unha pena de oito meses de retirada do permiso de conducir e ao pago dunha multa de 480 euros, segundo explicou, en rolda de prensa, o tenente coronel Francisco Javier Molano, xefe da Agrupación de Tráfico da Garda Civil en Galicia.

SOBRE O CAPÓ EN NEGREIRA
Outra condutora, de 21 anos, foi identificada e investigada por condución temeraria nunha vía cun tramo sen pavimentar e outro pavimentado en Negreira (A Coruña). Neste caso, circulaba cun home, da mesma idade, encima do capó.

Detectado tamén nas redes sociais tras subir os implicados os correspondentes vídeos, está pendente aínda de xuízo. O tenente coronel Molano, que agradeceu a colaboración cidadá para localizar infraccións subidas en redes sociais, precisou que no caso do home pódeselle aplicar só unha sanción administrativa, que sería de 80 euros.


Sobre o capu00f3



Á condutora, estes feitos poderíanlle supoñer a retirada do carné de conducir durante seis anos e unha pena de prisión de seis meses a dous anos.

No último caso, detectouse a unha persoa que tiña un detector de radar que exhibía nos seus vídeos. "Isto é unha infracción administrativa, a sanción son 200 euros e detráense tres puntos", explicou o responsable da Agrupación de Tráfico da Garda Civil en Galicia sobre as posibles consecuencias.

RESPONSABILIDADE NA ESTRADA
Tras facer público estes casos, o tenente coronel incidiu na importancia da responsabilidade na estrada. "O ano pasado a distracción estivo detrás do 56% dos accidentes mortais en Galicia", expuxo.

En particular, incidiu sobre o perigo dos casos expostos na súa comparecencia e que deron lugar á correspondente investigación, a pesar de que porcentualmente, en relación aos delitos contra a seguridade viaria, son escasos.

Así, segundo os datos que facilitou, o ano pasado investigáronse 3.231 delitos deste tipo, dos que o 56%, un total de 1.848, foron por consumo de alcol excesivo ou con indicios de que se superaban os límites permitidos e 1.280 (39%) por carecer do permiso de conducir. Un total de 10 foron por exceso de velocidade e investigáronse 13 por condución temeraria.





Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress