Denuncian á Xunta ante a Fiscalía pola Vía Ártabra en Cambre

|

Un grupo ecoloxista remite ao fiscal o proxecto aprobado pola Consellería de Infraestruturas, aprobado sen avaliación ambiental e que afecta a un humidal


A Sociedade Galega de Historia Natural (SGHN) denunciou ante a Fiscalía de Medio Ambiente o trazado da Vía Ártabra entre o polígono de Cambre (A Coruña) e a autovía A-6 "polo seu elevado impacto ambiental, non avaliado conforme á lexislación vixente, e as irregularidades na súa tramitación", segundo informa a entidade.


Humidal da Gu00e1ndara nunha foto de change org


Humidal da Gándara en unha foto de Change.org



En concreto, explica que o pasado 1 de agosto denunciou ante a Fiscalía o estudo das alternativas do trazado da Vía Ártabra ao considerar que se incumpre o 'Plan Sectorial da Rede Viaria da Coruña, Arteixo, Culleredo, Cambre, Oleiros, Sada e Bergondo'.


Tamén sostén que "presenta maior afección ambiental, un maior custo económico e peor articulación territorial ao modificar o trazado proposto polo Concello de Cambre". Ademais, argumenta que afectaría "de maneira crítica" ao humidal da Gándara e que "degradería irreversiblemente o sistema fluvial", sinala, entre outros argumentos na súa denuncia.


"Ignorando conscientemente estes feitos, a Dirección Xeral de Calidade e Avaliación Ambiental estimou como ambientalmente viable o proxecto sen sometelo a unha avaliación de impacto ambiental", engade.


Ao considerar que podería haber, en relación ás actuacións administrativas levadas a cabo, posibles responsabilidades penais por parte do director do proxecto e altos cargos da Consellería de Infraestruturas, a SGHN solicita á Fiscalía de Medio Ambiente que investigue "a posible existencia de responsabilidade penal polos feitos denunciados, así como a paralización das obras do proxecto".

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress