Persoa trans galega pioneira en lograr que a Xustiza cambie o seu nome nunha sentenza firme

Cando gañou a custodia da súa filla, figuraba con outro nome e outro sexo, o que atenta contra o seu dereito á intimidade, recoñecen agora os xuíces

A Audiencia da Coruña emitiu un fallo novo a nivel Estado ao recoñecer o dereito a unha persoa transexual a que se modifique unha sentenza firme na que figuraba o seu nome e xénero previo ao cambio de sexo.

Audiencia provincial na Coruña

Os maxistrados da audiencia coruñesa, nun fallo con data do pasado 23 de maio e ao que tivo acceso Europa Press, admiten o recurso presentado por unha nai que solicitaba que a sentenza do ano 2018 pola que obtivo a custodia da súa filla fose modificada para adaptala á súa nova identidade de xénero.

ESTABA ESCRITO O SEU ANTERIOR NOME

E é que, na devandita sentenza, figuraba co seu antigo nome de home e a expresión de pai, o que, segundo o escrito de apelación presentado polo seu defensa, constituía "unha grave intromisión" no dereito á intimidade tanto dela como da súa filla, debido a que se vería forzada a revelar a súa transexualidad a persoas descoñecidas.

Deste xeito, a Audiencia da Coruña admite o recurso e dá a razón á nai en virtude do dereito recolleito na Lei de Igualdade de Xénero aprobada en 2007, no que se garante o libre desenvolvemento da personalidade e a dignidade das persoas cuxo xénero non se corresponde co sexo co que inicialmente foron inscritios.

Así as cousas, recoñece que unha sentenza en firme pode ser modificada para adaptala ás novas circunstancias. Tamén destacan os maxistrados o dereito á intimidade e o "poder xurídico" sobre a súa información persoal.