Alguén parece estar a incendiar locais termais en Ourense

O local da cafetería Pozas de Maimón, propiedade da concellería de Comercio do Concello de Ourense, ardeu ás 02,09 horas da madrugada deste domingo, provocando tan só danos materiais. Para a extinción do lume necesitouse a actuación dun camión motobomba do servizo de bombeiros local así como varias patrullas de policía, tanto Local como Nacional.De madrugada, do mesmo xeito que sucedeu co incendio de o local das termas de Chavasqueira hai uns meses, as chamas consumiron a cafetería situada en fronte ás termas de Outariz, nas Pozas de Maimón. Dous incendios nocturnos en dous locais relacionados no termalismo ourensán en poucos meses, un deles, o da Chavasqueira, que a policía xa considera intencionado. Quen pode estar detrás da destrución dun dos poucos motores económicos da cidade?

Redacción
| Domingo, 28 de Xullo de 2019, 12:26

De madrugada, do mesmo xeito que sucedeu co incendio de o local das termas de Chavasqueira hai uns meses, as chamas consumiron a cafetería situada en fronte ás termas de Outariz, nas Pozas de Maimón. Dous incendios nocturnos en dous locais relacionados no termalismo ourensán en poucos meses, un deles, o da Chavasqueira, que a policía xa considera intencionado. Quen pode estar detrás da destrución dun dos poucos motores económicos da cidade?

O local da cafetería Pozas de Maimón, propiedade da concellería de Comercio do Concello de Ourense, ardeu ás 02,09 horas da madrugada deste domingo, provocando tan só danos materiais. Para a extinción do lume necesitouse a actuación dun camión motobomba do servizo de bombeiros local así como varias patrullas de policía, tanto Local como Nacional.

Pozas de maimon incendio termalismo ourense

Así mesmo, as chamas quedaron sufocadas ás 03,15 horas da madrugada, aínda que os servizos de extinción tiveron que continuar refrescando a zona para evitar que o lume se reavivase.

O LUME EMPEZOU DENTRO DA CAFETERÍA, QUE LEVA TEMPO PECHADA

Segundo indicou o atestado policial, todo apunta a que o punto de inicio produciuse no interior do establecemento. Así, será a Policía Científica a encargada de esclarecer os feitos.

No incidente só rexistráronse danos materiais, sen necesidade de evacuar a zona a pesar de haber varias autocaravanas aparcadas nas proximidades do local.

VALORACIÓN DO ALCALDE

Pola súa banda, o alcalde de Ourense, Gonzalo Pérez Jácome, lamentou o ocorrido e asegurou que o termalismo de Ourense "rexurdirá como ave fénix". "Imos reconstruír o termalismo da cidade, que se atopa en cinzas, literalmente", indicou. En calquera caso, Pérez Jácome agradeceu a "rápida" actuación dos servizos de extinción así como o traballo dos corpos de seguridade.

Pois parece ser que ardeu “ A Bull” das termas de Outariz. Outro incendio como é obvio presuntamente provocado. Dicir que o local levaba anos abandonado pero.. que pena de cidade. @OurenseConcello @lavozdegalicia pic.twitter.com/ENeP0cb5hei
— Lalunaesblanca (@Elsolesamarillo) July 28, 2019