Incautada gran cantidade de droga na nave dunha empresa que recibiu millóns de subvencións de la Xunta e o Estado

|

Soluciones Poligráficas é unha compañía das Somozas que está entre as máis beneficiadas do Plan Ferrol e recibiu axudas do IGAPE, o Ministerio de Industria e o Banco Europeo.


Axentes da Garda Civil  despregaron nas últimas horas deste martes un importante dispositivo contra o tráfico de drogas, tras localizar unha importante cantidade de substancias estupefacientes nunha nave industrial situada no polígono industrial das Somozas (A Coruña).


Operativo contra o tráfico de drogas nas Somozas.


En concreto, trátase de a nave que ata hai pouco operaba co nome 'Soluciones Poligráficas', dedicada ás artes gráficas. No operativo produciuse tamén algunha detención, segundo a información á que tivo acceso Europa Press.


TRAXECTORIA EMPRESARIAL

Segundo figura no Rexistro Mercantil, Solucións Poligráficas é propiedade do grupo italiano Ponti Group a través de Ponti Group Holding Spa. Esta compañía recibiu imporantes subvencións públicas de varias administracións, aínda que nunca chegou a cumprir do todo os plans presentados. 


Así, o Ministerio de Industria facilitou 11 millóns de euros en 2010 ao fío do coñecido como Plan Ferrol, a pouco de que se aprobase a súa licenza. En 2013, a Xunta, a través do IGAPE, e o citado Ministerio concedéronlle 7,8 millóns. Do Banco Europeo e do plan Miner chegaron máis investimentos públicos, sumando un total que se pode aproximar aos 20 millóns de euros.


Con todo, Solucións Poligráficas pronto entrou en problemas. Non chegou a contratar ás 55 persoas que prometeu e os seus 38 traballadores sufriron falta de pagamentos. Tras unha etapa de baixa actividade e preconcurso de acredores, reactivouse en 2016 despois de que os italianos anunciasen un novo investimento para sacala do pozo, contratando a unhas 20 persoas. A súa sede social segue no Polígono das Somozas.


DETALLES DA OPERACIÓN


A actuación iniciouse de madrugada e durante todo o día foron varias decenas os axentes despregados na zona, tanto en vehículos oficiais como camuflados, con unidades chegadas desde A Coruña e varios municipios de Ferrolterra.

Entre outras cuestións, a Garda Civil  destaca a "industrialización de todo o proceso" da droga que se realizaba nestas instalacións.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress