A CIG alerta de que é peor "o remedio que a enfermidade" na venda das plantas de Ferroatlántica en Cee e Dumbría
O sindicato nacionalista CIG asegurou que as plantas que Ferroatlántica ten nos municipio coruñeses de Cee e Dumbría "quedarían nunha situación peor" se se efectiviza a venda ao fondo norteamericano TPG Sixth Street Partners.
Protesta dos traballadores
Así o trasladou a organización sindical aos traballadores nunha asemblea celebrada en Cee para abordar a situación da empresa e da que a CIG informou nun comunicado.
A central nacionalista considera que de materializarse a venda estas fábricas quedarían fóra do grupo "funcionando como unha especie de subcontrata", xa que o "provedor e comprador exclusivo da produción seguiría a ser FerroGlobe".
"Estamos ante unha operación fraudulenta que supón unha segregación encuberta das centrais", considerou o portavoz da sección sindical, Alfonso Mouzo, que advirte de que o obxectivo de Villar Mir "seguen sendo a venda dos aproveitamentos hidroeléctricos para facer negocio con eles".
"A operación anunciada por Villar Mir segue a fórmula da presentada en 2017, pero de forma máis sofisticada para darlle a aparencia de legalidade", subliñou.
Ademais, indicou que a representación sindical dirixiuse ao suposto comprador para coñecer o seu proxecto industrial, unha resposta á que, segundo indicou, a resposta foi que "nada tiñan que falar" con eles xa que "aínda están en negociacións".
Escribe o teu comentario