Estes son os galegos máis morosos con Facenda

A empresa galega de decoración e enxoval Pórtico sae da quinta lista de morosos da Axencia Tributaria, na que seguen firmas galegas como Martinsa-Fadesa, Freiremar, Blusens e Caramelo, entre outros.

|

A empresa galega de decoración e enxoval Pórtico sae da quinta lista de morosos da Axencia Tributaria, na que seguen firmas galegas como Martinsa-Fadesa, Freiremar, Blusens e Caramelo, entre outras.


Así, Martinsa-Fadesa repite (50,3 millóns), do mesmo xeito que Compañía Gallega de Licores (22,11 millóns), a metalúrxica Acerías As Pontes (21,5 millóns), Gallega de Moenda de Clicker, con sede en Coirós (A Coruña) e dedicada aos cementos (6,42 millóns) e Blusens (5,73 millóns).

Tamén están incluídos na lista de morosos Freiremar (5,62 millóns), Hierros y Laminados Añon SL (1,55 millóns), as ferrolá Montajes Industriais do Noroeste SA (4,39 millóns), Limpezas del Noroeste SAU (3,92 millóns), Carburante Noroeste SL (3,5 millóns) e Autos Lobelle SL (1,21 millóns).


José Ramón García, fundador de Blusens



Así mesmo, figura un ano máis Caramelo (2,16 millóns) e entre as firmas de moda que seguen tamén destacan a sociedade Volvoreta, propiedade da deseñadora galega Kina Fernández, con 1,69 millóns de euros; Confeccións Deus SL (3,31 millóns) e Deus Creacións SL (2,19 millóns).


Pola súa banda, o expresidente de Banesto Mario Conde ten unha débeda de 12,37 millóns de euros con Facenda, por baixo dos 14,9 millóns que figuraban na anterior listaxe de morosos.


A quinta lista de morosos da Axencia Tributaria inclúe un total de 4.028 debedores con Facenda ao 31 de decembro de 2018, o que supón un 6,7% menos respecto a a cuarta lista, mentres que o importe global de débedas recollido na nova listaxe supera os 14.100 millóns de euros, un 7,8% menos que na anterior, segundo fontes da Axencia Tributaria.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE