Os robots de ‘Crea R’ desembarcan en Viveiro

Os talleres de robótica do operador galego de telefonía chegan á Mariña lucense xunto a charlas didácticas sobre o bo uso da internet e redes sociais.

Celebración do 'Technium R Encounter'

Viveiro acollerá esta fin de semana unha nova xornada dos talleres de robótica e charlas didácticas do programa ‘Crea R’, que desembarca na Mariña co obxectivo de ensinar aos máis pequenos o correcto uso da internet e as redes sociais e os beneficios das novas tecnoloxías se se fai un bo uso delas.

Os talleres de robótica, dirixidos aos pequenos de entre 7 e 12 anos celebraranse de 11 a 13 horas na Casa do Concello de Viveiro. Alí poñerán desenvolver a súa creatividade e o traballo en equipo a través da construción dunha cidade no proxecto de programación.

“Os pequenos deixan de ser meros consumidores pasivos de tecnoloxía e botan man dela para crear e aprender”, sinalan desde ‘R’, onde ademais “conta coa bagaxe do método educativo de ‘Líbolis, Pequenos Emprendedores’, a única escola de emprendemento da nosa comunidade”.

Con todo, este espazo non está só destinado aos nenos. Os pais e titores tamén poderán escoitar os consellos dun pedagogo especializado que responderá a todas as dúbidas sobre a educación que reciben os mozos ao redor de todo o que ofrecen as novas tecnoloxías. A idade á que deben ter o seu primeiro móbil os máis pequenos, os perigos que entrañan as redes sociais ou o tempo de exposición ante as pantallas son algunhas das cuestións máis consultadas cos educadores e expertos de ‘Sherpa Dixital’.

A entrada é gratuíta e sen restricións. Tan só hai que encher un formulario para conseguir as entradas, dispoñibles ata se que cubra o espazo dispoñible.