O alcalde de Ourense multado polo seu Policía Local no seu primeiro día

|

Gonzalo Pérez Jácome aparcou o seu BMW na zona reservada para coches oficiais e sen ningún distintivo que probase que é do novo alcalde de Ourense. Este é o motivo polo cal a Policía Local multouno este luns, primeiro día laborable do seu mandato como alcalde, segundo informan  varios informadores ourensáns.


Coche jacome multado

BMW de Jácome multado esta mañá á beira da Praza Maior de Ourense | Paco Sarria Twitter



Paco Sarria, xornalista de Onda Cero e decano do Colexio Profesional de Xornalistas de Galicia, publicou nas súas redes sociais unha imaxe do BMW, que usa para as xestións da televisión local sen licenza Auria TV, mal aparcado e á beira dúas motos da Policía Local:






Tras decatarse da multa, o vehículo seguía alí. "Eu non saquei o coche", asegurou Jácome segundo recolle Aa Voz. Galiciapress contactou co servizo de prensa do Concello para detallar a versión do político sen obter resposta por agora.


Dáse a circunstancia de que unha das primeiras reunións do alcalde foi coa xefa de Policía Local. A reunión con María Barreira é de especial transcendencia, dadas as numerosas polémicas alimentadas por Jácome contra membros do corpo a pasada lexislatura. O líder de Democracia Ourensá chegou a filmar como se poñía diante do coche particular dun axente para que non se marchase cando o sorprendeu mal aparcado fronte ao Pavillón dos Remedios.


PINTADA  

Non é ese o único vídeo viral do edil, comercial e empresario da comunicación, nin tampouco a única polémica de hoxe. O local de a tenda de música que rexenta apareceu esta mañá cunha pintada de "traidor" no escaparate. Galiciapress informou o venres dunha acesa conversación en público na que membros de DO discutían con Jácome por apoiarse no PP.


Democracia Ourensá creceu grazas, entre outros factores, para acabar co caciquismo que moitos identifican coa saga Baltar. Con todo, o líder localista pactou con Manuel Baltar lograr a alcaldía -a pesar de quedar nas eleccións detrás de PSOE e PP- a cambio de perpetuar a dinastía familiar na Deputación.


A CULPA DE QUE O PP PACTASE CON DO É DO PSOE, DI FEIJÓO

O polémico cambio de cromos e o medíatico perfil de Jácome prometen marcar a vida política galega a menos dun ano das eleccións autonómicas, nas que Democracia Ourensá tamén ten intención de participar. 


O líder do PSdeG pediu esta mañá ao presidente de la Xunta e explicar como o seu partido pactou con DO a repartición do poder en Ourense. Feijóo respondeu recoñecendo que o acordo con Jácome non lle gusta pero culpando ao PSOE, por supostamente negarse a un pacto alternativo. EO presidente do PP prometeu seguir criticando a Jácome como fixo ata agora se continúa co seu vehemente discurso. Pola súa banda, o número 3 dos conservadores miguel Tellado tamén defendeu o pacto, admitindo que non é ideal, pero que dá estabilidade.


O PESO DE JÁCOME NA POLÍTICA AUTONÓMICA

Nas últimas autonómicas, DO, con 7.723 votos, non estivo lonxe de lograr un deputado. De logralo e, visto o declive do PP, ese escano podería ser clave para manter a Feijóo no poder. Está por ver, iso se, como xulga o electorado ourensán a xestión do novo alcalde da capital. Ademais, opacto con Baltar inclúe, segundo Faro, non presentarse ás galegas de 2020.




Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress