Premio internacional para os voluntarios que arrincan eucaliptos en Galicia

O Lush Spring Prize é unha iniciativa internacional que reparte máis de 220.000 euros en premios entre iniciativas que recuperan ecosistemas danados. A asociación Verdegaia é un dos once gañadores da última edición polo traballo das brigadas deseucaliptizadoras.

Representantes do grupo ecoloxista galego recolleron o premio esta semana nunha cerimonia en Londres. O ano pasado Verdegaia empezou a organizar grupos de voluntarios para arrincar eucaliptos, acacias e outras especies invasoras dos montes galegos.

Impulsada pola preocupación ante as continuas ondas de incendios, a iniciativa creceu e xa son centos os voluntarios que colaboraron, e máis de 200.000 exemplares arrincados. Verdegaia colabora en Cousa de Raíces, iniciativa común doutros grupos ecoloxistas e universidades, tamén para combater o polémico eucalipto.

"Agora, toca seguir traballando", lembran desde Verdegaia. E é que o próximo día 8 está convocada unha nova xornada deseucaliptizadora, con brigadas en varios municipios de Galicia