Paco Vázquez defende as honras a Fraga e o líder do PSdeG lémbralle que llas dou o franquismo

Que hai tempo o ex-alcalde da Coruña está máis próximo a Cidadáns que a os socialistas é sabido. Hoxe Paco Vázquez entra en campaña a ao calificar de "vergoña" que os seus ex-compañeiros lle quitaran as honras a Manuel Fraga. Deseguido, o actual líder do socialismo galego, Gonzalo Caballero, replica que tales distincións non as aprobou un municipio demócrata, senón franquista, unha etapa que rexeitan. 

O exalcalde da Coruña Francisco Vázquez considerou unha "vergoña" a decisión do pleno municipal da cidade herculina, que cos votos de En Marea, BNG e PSOE retirou o título de Fillo Adoptivo da cidade a Manuel Fraga, pola súa condición de exministro da ditadura franquista, do mesmo xeito que sucedeu con Laureano López Rodó.

"É unha auténtica vergoña e unha ignominia que se aprobou unha moción para revogar o título de Fillo Adoptivo a Fraga e a López Rodou", asegurou Vázquez este mércores nunha entrevista en COPE, recollida por Europa Press, á vez que tachou de "grave" que o PSOE se haxa sumado a este iniciativa do BNG e En Marea.

Vázquez criticou que o PSOE deixe que os concelleiros votasen contra o título, porque, ao seu xuízo, "supón unha ruptura coa transición e co PSOE de Felipe González ou Alfonso Guerra" que, defendeu, "optaron por unha reforma baseada na reconciliación nacional".

Neste sentido, o exalcalde coruñés indicou que a Lei de Memoria Histórica é unha manifestación do "totalitarismo exacerbado" que "se apropia do relato histórico con criterios ideolóxicos". Ao seu xuízo, esta lei determina quen son "os bos e os malos".