Galicia necesita moitas máis matronas para garantir a saúde das mulleres, alerta SATSE
Como consecuencia, hai matronas que atenden á poboación de 6 concellos distintos e noutras ocasións son as mulleres as que teñen que desprazarse a outro Centro de Saúde.
O Sindicato de Enfermería, SATSE, denunciou, con motivo do Día Internacional da Matrona, que o noso sistema sanitario segue obtendo un “rotundo suspenso” á hora de dar resposta a todas as necesidades das mulleres no que respecta á súa saúde sexual, reprodutiva e maternal, ao contar só con 0,18 profesionais por 1.000 habitantes. En Galicia a media é mesmo máis baixa e alcanza os 0,12 profesionais por 1.000 habitantes.
Grupo de traballo sobre matronas no proceso de reforma de Atención Primaria
Ademais, segundo a central, na área de Pontevedra Norte, amortizáronse un número importante de matronas tras as xubilacións destas. Como consecuencia, hai matronas que atenden á poboación de 6 concellos distintos e noutras ocasións son as mulleres as que teñen que desprazarse a outro Centro de Saúde. Bueu, por exemplo, cunha importante demanda asistencial, só dispón de matrona 3 días á semana.
Ante esta “lamentable realidade”, SATSE considera necesario incorporar, polo menos, a 5.000 matronas e matrones ao Sistema Nacional de Saúde e así llo trasladará á persoa que asuma a responsabilidade do Ministerio de Sanidade, unha vez sexa nomeada, así como aos futuros conselleiros e conselleiras de Saúde das diferentes comunidades autónomas, tras as eleccións do próximo 26 de maio.
Escribe o teu comentario