O SERGAS diagnostícalle un cancro e pasa meses sen tratamento, denuncian ante o Fiscal

A Asociación Defensor del Paciente remitiu á Fiscalía o caso dun enfermo de cancro que leva "máis de tres meses" esperando a iniciar o tratamento contra un cancro de próstata.  

Membros da Asociación Defensor do Paciente nunha reunión coa Fiscalía 

Trátase dun coruñés ao que o 2 de febreiro diagnosticáronlle "un cancro en estado primario de próstata". O enfermo relata que aceptou a proposta do seu médico de familia para extraerlle a próstata.

Desde entontes, "non tiven noticias", pese, ante a tardanza, volver a comunicarse coa súa médico cabeceira, que lle remitiu de novo  ao especialista, por cuxa chamada para un tratamento segue esperando. "É normal ter unha tardanza maior a tres meses para un tratamento de cancro?", pregúntase angustiado este cidadán.

Recibida a queixa, a citada asociación acaba de remitir o "ilícito penal" a Fernando Suances, fiscal xefe do Tribunal Superior de Xustiza de Galicia enarborando o artigo 262 da lei de axuizamento criminal. "Cántos doentes están na mesma situación?", pregúntase a presidenta do Defensor del Paciente.