Detido un policía de Santiago acusado de pedir subornos

|

O propio alcalde mandou abrile expediente ao ter noticia dun audio dunha presunta extorsión a un veciño


As forzas de seguridade detiveron este xoves a un policía local de Santiago, pertencente ao grupo que se encarga da vixilancia urbanística, por mor dunha investigación aberta polo Concello compostelán por, supostamente, pedir 'mordidas' a cambio de informar favorablemente os técnicos municipais nos trámites de concesión de licenzas urbanísticas.



Policia local santiago 1024px actualidade v2


Segundo confirmaron a Europa Press fontes coñecedoras do caso, o axente, que permanecía apartado destas funcións desde o inicio da investigación interna, foi detido en Santiago na mañá deste xoves e, posteriormente, trasladado polos axentes a dependencias municipais para inspeccionar na súa presenza o seu computador de traballo.


AUDIO DUNHA EXTORSIÓN

O caso remóntase a mediados do pasado ano, cando unha funcionaria municipal acudiu ao alcalde, Martiño Noriega, para informarlle da existencia dunha "gravación" de son feita por un veciño ao que, supostamente, pedíranselle 1.000 euros para informar favorablemente dunha licenza urbanística.


Ao coñecer o caso, o rexedor impulsou a apertura dun expediente reservado para instruír dilixencias internas en relación aos feitos. Ao observar indicios de delito na actuación deste axente, que levaba 16 anos traballando no departamento, os datos foron remitidos a Fiscalía, un proceso que derivou este xoves na súa detención.


Con todo, o agora detido permanecía apartado destas funcións desde o momento en que se iniciou o expediente externo, en xuño do ano pasado, e bloqueóuselle tamén o acceso aos expedientes urbanísticos.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress