A Xunta Electoral suspende por agora o debate entre cinco candidatos do #28A

Cambio de guión en plena campaña electoral. A Xunta Electoral prohibe a Atresmedia realizar o debate electoral do próximo martes 23 de abril por incluír entre os seus participantes a Vox.

O organismo lembra que, segundo a lexislación vixente, ningunha forza que non obtivese un mínimo dun 5% de voto nas últimas eleccións pode asistir a un debate televisado. Debido a que Vox apenas sacou unhas decenas de miles de votos en 2016 (0,2% sobre o total de sufraxios), non cumpre con esta condición.

Así mesmo, Vox "tampouco cumpre a condición de grupo político significativo debido a que dita condición non só esixe a obtención dun número de votos válidos igual ou superior ao 5% en recentes procesos electorais, senón que esa porcentaxe debe alcanzarse no ámbito territorial do medio de difusión", agregou o árbitro interpretando o artigo 66 da Lei Electora.

Con todo, a Xunta Electoral deixa unha fenda ao grupo da Sexta e Antena 3: reconsiderar o seu formato de debate expulsando a Vox para que este poida realizarse.

As cadeas privadas están suxeitas a esta lexislación desde o ano 2011, cando unha modificación normativa igualou o seu tratamento das forzas políticas en período electoral coas televisións públicas.