Empeza a folga indefinida en SOGAMA: “Acompañaremos a Feijóo a todos os seus actos de campaña”

Algúns camións xa sufriron sabotaxes nas primeiras horas de folga indefinida dos traballadores da empresa encargada dos residuos sólidos urbanos de SOGAMA.

Manifestación dos traballadores esta fin de semana

Arrinca hoxe a folga indefinida dos traballadores do servizo de transporte de residuos sólidos urbanos de SOGAMA. Con ela os traballadores queren poñer de manifesto o deterioración das súas condicións laborais, a carencia de material específico e as quendas con condicións totalmente desiguais, como denuncian na nota da CIG.

Transportes Pacholo S.L., empresa encargada do transporte deste tipo de residuos, rexistraron a convocatoria de folga a semana pasada e hoxe reúnense coa empresa no Consello Galego de Relacions Laborais.

O comité de empresa denuncia, ademais dos problemas laborais citados, que a empresa despediu a oito traballadores en resposta ás denuncias de acoso laboral que presentaron os empregados durante varios meses. Con todo, a CIG sinala que esa decisión non é obra de Transportes Pacholo, senón que “vén de arriba”. Para o sindicato é culpa de “SOGAMA, Copasa e o Partido Popular, que foi quen deseñou o un modelo de subcontratas que precariza as condicións laborais á conta dun peor servizo para repartirse os beneficios".

“ESTARÉMOS ONDE ESTEA FEJÓO”

Manuel Regueiro, presidente do comité de empresa, expresou o malestar e as condicións nas que vive o persoal. “Traballamos con lixo, e con todo non contamos nin con roupa de traballo nin cuns vestiarios para poder asearnos antes de ir ás nosas casas en”, dixo Regueiro en declaracións á Cadea SER.

Do mesmo xeito, non dubidou en sinalar á Xunta como un dos culpables da situación que viven os traballadores. “Consideramos que o Partido Popular ha tomado parte neste conflito no momento en que nos impuxo uns servizos mínimos totalmente desproporcionados”, agregou o presidente do comité de empresa, denunciando que con esa decisión do goberno de Alberto Núñez Feijóo “pónsenos na diana o PP”.

“Acompañaremos a Feijóo a todos os actos nos que participe esta campaña”, advertiu Regueiro, lembrando que esta fin de semana xa estiveron presentes nun acto no que participou o presidente autonómico, obrigando a atrasar a súa presenza no mesmo. O obxectivo é “lembrarlle que hai oito despedidos, oito familias que o mes que vén se cadra non teñen forma de pagar a calefacción”, lamentou o presidente do comité de empresa.

CAMIÓNS SABOTEADAS

As empresas subcontratadas pola UTE Renfe-Copasa-Logirail denunciaron ante a Garda Civil de Ordes o sabotaxe de varios camións de lixo que prestan o servizo de forma regular, lembrando ás protestas da folga de ambulancias.

Concretamente picáronse as bombas que dan estabilidade aos camións, deixándoos inoperativos “por graves riscos de seguridade". Os camións estaba aparcados nunha nave industrial e a Garda Civil xa dispón das imaxes das cámaras e os informes dos vixiantes para atopar aos saboteadores.