4.124 candidatos para 76 prazas nas oposicións de camareiro-limpador e axudante de cociña de la Xunta

|

Oposicións en Galicia

Máis de catro mil persoas presentáronse ás oposicións celebradas este domingo en Silleda para o ingreso na categoría de camaero-limpador/axudante de cociña, o que supón o 61% dos que estaban inscritos.

Desta forma, na Feira Internacional de Galicia, en Silleda, presentáronse 4.124 persoas ás probas celebradas durante a tarde.

Ademais, pola mañá, tivo lugar o primeiro exercicio para o ingreso no corpo de xestión da Administración Xeral da Comunidade Autónoma A2, para o que se presentaron 843 dos 2.010 aspirantes convocados, o que supón unha porcentaxe do 42%.

Tanto a xornada do sábado como a do domingo transcorreron sen incidencias e todos os exames desenvolvéronse con total normalidade. O acceso aos pavillóns nos que se realizaron as probas estivo controlado por un operativo de 380 persoas.

En cada porta situáronse entre 6 e 8 persoas, dependente do volume de aspirantes de cada proceso selectivo. O recinto tamén contou durante toda a fin de semana, cunha ambulancia, habilitada pola Administración galega para atender calquera incidencia que se puidese producir durante a realización das probas.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress