Dous de cada cinco enfermeiros da área viguesa: temporais e sen permisos

|

O Sindicato de Enfermería SATSE denuncia que en torno ao 40% do persoal de enfermería da área Sanitaria de Vigo é temporal.


Enfermeiros


O Sindicato de Enfermería, SATSE, denunciou que ao redor do 40% do persoal de enfermería da área Sanitaria de Vigo ten un contrato temporal. Do mesmo xeito, o sindicato lamenta que esta situación está lonxe de cambiar para os enfermeiros e enfermeiras de Vigo.


“A pesar de que a maioría destas enfermeiras levan anos traballando para non verse prexudicadas na puntuación das listas de contratación, e aínda aprobando os exercicios da fase de oposición, ven na obrigación de presentarse a un novo exame convocatoria tras convocatoria”, sinala o sindicato. Na mesma liña, sinala que “o 60% da súa puntuación nas listas depende da nota que saquen no exame da OPE de Enfermería”, marcando que os profesionais eventuais “non o teñen máis fácil” e sinalando que este é un “sistema penalizador”.


SOBRECARGA

Esta situación de sobrecarga de persoal temporal levou ao colapso da área sanitaria viguesa. Así o denuncia o organismo sindical, criticando a decisión da xerencia, que decidiu denegar “todos os permisos solicitados” despois do 15 de marzo “incluídos permisos e reducións de xornadas por coidados de menores ou maiores ao seu cargos, permisos sen soldos ou vacacións”.


Debido a esta situación, o sindicato reclama que se incrementen “o número de prazas” e que se cubran os postos vacantes reais, ademais dun sistema de contratación xusto e un cociente enfermeiro-paciente “adecuado ás recomendacións da OMS”


EVENTUALIDADE DISPARADA

En determinados servizos, SATSE advirte que a porcentaxe de eventualidade sitúase ao redor da metade ou mesmo se achega a ser dous terzos do persoal. No caso do servizo de UCI, a eventualidade supera o 47%, mentres que en Reanimación Postcirugía é do 63%.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress