Mantense a folga en Atención Primaria do SERGAS pendentes de máis negociacións

O comité de folga de Atención Primaria mantén de momento os paros convocados para os días 9, 10 e 11 de abril á espera de acudir a unha nova reunión o luns 8 co Sergas na que a Administración se postulará sobre a súa proposta de abrir unha mesa de diálogo.

Xefes de servizo entregando as súas renuncias pola crise de Atención  Primaria

Así o trasladaron portavoces do comité en declaracións a Europa Press, tras acudir a un encontro na sede do Sergas coa directora de Recursos Humanos, Margarita Prado, que se estendeu durante case catro horas.

Segundo explicou a explicado a responsable de CIG-Saúde e membro do comité, María Xosé Abuín, a reunión do luns ten o obxectivo de ver "se aceptan a constitución da mesa" de diálogo pedida para frear a convocatoria de paros.

Segundo engadiu esta representante do comité de folga, nela abordaranse as reivindicacións de carácter "asistencial" e trasladaríanse os temas de competencia de Relacións Laborais a Mesa Sectorial.

Pola súa banda, un dos portavoces da Coordinadora Galega de Atención Primaria, Xosé María Divos, reiterou a importancia de "unha vía de diálogo máis ampla" na que se aborden "todos os problemas de Atención Primaria", dado que non todas as cuestións pódense levar a Mesa Sectorial.