Miles de galegos arríscanse a multas por non tributar bens no estranxeiro, sancións que a UE cuestiona

Dous millóns de españois con bens no exterior temen declaralos a Facenda porque as sancións son elevadas, de feito son máis caras que o valor dos bens no estranxeiro.

Estes contribuíntes deben usar o modelo 720 para facer a declaración na Axencia Tributaria e os bens son contas, valores ou rendas superiores aos 50.000 euros.

A Comisión Europea ha advertido a España que as multas que impón son excesivas cando os cidadáns declaran fóra de prazo, de forma incompleta ou con datos erróneos.

A CE considera que estas multas vulneran a libre circulación de persoas, de traballadores e de capitais, polo que Bruxelas podería tomar cartas no asunto proximamente. De feito, xa en febreiro de 2007 a CE advertiu a España de que incumpría o réxime de sancións.

Segundo a lexislación española, se un cidadán declara voluntariamente fóra de prazo ou de forma indebida, ten unha multa de 100 euros por cada dato ou conxunto de datos de cada elemento patrimonial. Se ese ben non tributou antes, considérase infracción moi grave e a sanción é do pago da cota do IRPF e outra multa do 150 por cento.

Ademais, la multa por falta de presentación do modelo 720 é de 5.000 euros por dato ou conxunto de datos, cunha sanción mínima de 10.000 euros por cada bloque respecto do que exista obrigación de declarar e non fose declarado.

As persoas que se poden ver neste perfil poden ser de tres tipos. Un, emigrantes que regresaron a España e que aínda teñen bens no país no que estiveron anos residindo. Outra, estranxeiros que viven en España pero que teñen algunha vivenda ou ben no seu país de orixe. En terceiro lugar, españois con situacións concretas, por exemplo, herdanzas.

Por iso, temen que declarar os bens supoña ter que pagar unhas multas desorbitadas.