Os aeroportos galegos gañan pasaxeiros mentres aumenta o número de destinos

|

Cada vez son máis as compañías que aumentan o número de conexións con distintas cidades galegas.


Galicia é un dos destinos turísticos predilectos en cando chega a primavera… menos para os galegos. Coa chegada dos primeiros raios de sol, a xente empeza a planificar as vacacións, xa sexan de Semana Santa ou de verán, e non son poucos os que comezan a rastrexar a rede en busca de voos baratos para atopar o mellor prezo para atopar o mellor lugar para gozar dun merecido descanso.


Controlseguridadlavacollaaeropuerto

Control de seguridade no aeroporto de Lavacolla


Os aeroportos de Alvedro e Peinador aumentaron notablemente o número de pasaxeiros, cun aumento do 5% e o 7,4% respectivamente. Isto supón que 90.967 pasaxeiros transitaron polo aeroporto herculino, mentres que 71.263 fixérono polo da cidade olívica.


Pola súa banda, Santiago de Compostela é a única nota negativa neste aspecto. O aeroporto de Lavacolla experimentou un sensible descenso entre febreiro de 2018 e o mesmo mes de 2019. No segundo mes deste ano, o aeroporto da capital galega perdeu un 1,2% de pasaxeiros, quedándose nuns 165.000 segundo os datos de AENA.


Este descenso no volume de pasaxeiros na terminal santiaguesa é apenas significativo, xa que a masa repartiuse entre os outros dous aeroportos da comunidade. Do mesmo xeito, cabe destacar que a pesar deste descenso, o aeroporto compostelán segue sendo o máis transitado de toda a comunidade, a unha distancia moi grande dos outros dous aeroportos de Galica.


Con todo, hai que destacar que en Lavacolla se experimentou un aumento na terminal de carga de mercadorías, cunha subida do 5,7%. Na mesma liña de ascenso movéronse en Peinador e Alvedro, cun 28,6% e un 60% de aumento no tráfico de mercadorías.


Coa baixada dos prezos nos voos e a cantidade cada vez maior de destinos que ofrecen as compañías aéreas e de viaxes, os aeroportos da comunidade galega han experimentado un notable ascenso no volume de pasaxeiros con respecto ao ano pasado. O Peinador en Vigo gañou un 7,4% máis de pasaxeiros no mes de febreiro con respecto á cifra do ano anterior, mentres que Alvedro, o aeroporto da Coruña, experimentou un crecemento do 5% no mesmo período de tempo.


MÁIS RUTAS; MÁIS DESTINOS

Mentres o tráfico de pasaxeiros mantense á alza, as compañías aproveitan esta situación para ofrecer cada vez máis ligazóns e destinos para os usuarios. Así, Galicia estrea este marzo dúas novas conexións desde o Aeroporto da Coruña.


Desta forma, Alvedro conecta desde esta primavera con Bilbao e Málaga con ata dous voos semanais para achegar a Costa do Sol e o Golfo de Biscaia á praia de Riazor. A cidade herculina xa conta con conexións a outros destinos nacionais como Gran Canaria, Barcelona, Palma de Mallorca, Tenerife, Sevilla ou Valencia e a destinos internacionais como Londres.


A continuación, cabe mencionar que en Peinador tamén se estrearán esta tempada estival novas conexións, coa ruta Vigo-Sevilla, mentres que a de Vigo-Valencia aumentará as súas frecuencias.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress