Vixiantes de seguridade privada alertan que un centro comercial é "un imán para os cacos"
Os catro principais sindicatos de seguridade privada en Galicia (UXT, USO, CIG e CCOO) denuncian que o Parque Oleiros é "un imán para os cacos". Os representantes dos traballadores critican que se suprima "a seguridade física nunha área comercial en despoblada e cunhas medidas de seguridade pasivas deficitarias".
Os catro principais sindicatos de seguridade privada en Galicia (UXT, USO, CIG e CCOO) denuncian que o Parque Oleiros é "un imán para os cacos". Os representantes dos traballadores critican que se suprima "a seguridade física nunha área comercial en despoblada e cunhas medidas de seguridade pasivas deficitarias".
Parque Oleiros | Rafa Feije Youtube
As centrais relatan que desde onte a área quedou "sen ningún tipo de vixilancia" porque os xestores rescindiron o contrato á compañía que prestaba o servizo, Ombuds.
Por agora, a xerencia deste parque de comercios próximo a Coruña non respondeu ás afirmacións dos operarios nin confirmou a contratación de ningunha outra compañía.
O asunto ten un transfondo laboral. "Nun principio, os cinco vixiantes de seguridade adscritos ao servizo recibiran cartas de subrogación da cesante OMBUDS informándoos de que pasaban a unha nova adxudicataria a partir do 1 de Abril, feito que ao decatarse de que non se ía a producir xa que o que se pretendía por parte da Xerencia era suprimir o servizo", explican os sindicatos. UXT, USO, CIG e CCOO adiantan que preparan unha denuncia contra o parque e a empresa de seguridade en defensa dos traballadores, que foron ao paro.
Escribe o teu comentario