Entidade participada polo SERGAS lanza centro de I+D en Israel

Promover a internacionalización conxunta de empresas de Galicia e Israel é un dos obxectivos

O Clúster Saúde de Galicia, que preside a exconselleira de Sanidade Rocío Mosquera (xerente da empresa pública Galaria), promove a creación dun centro de innovación bilateral en Israel.

Mosquera e Núñez Feijóo

FINALIDADES DO CENTRO

Nun comunicado de prensa, a entidade destaca que a Xunta apoiou a constitución deste centro co obxectivo de fomentar os intercambios no sector saúde con este país.

O pasado 12 de marzo, as consellerías de Economía, Emprego e Industria e Sanidade presentaron conxuntamente as súas cartas de apoio ante a autoridade de innovación de Israel.

A idea, destaca o clúster, é "poder posibilitar no país a constitución dunha plataforma permanente de colaboración". Trátase dun de os resultados da Learning Expedition a Israel, realizada entre o 11 e o 15 de marzo, na que participaron Sanidade, o Igape e a Axencia de Coñecemento en Saúde (ACIS), entre outras entidades público-privadas.

FOMENTAR INTERCAMBIOS
A presidenta do clúster, Rocío Mosquera, destacou que o obxectivo "é axudar a fomentar os intercambios económicos, técnicos, de innovación e investimento entre Israel e Galicia".

Ademais, sinalou que queren "cooperar para promover a internacionalización conxunta de empresas de Galicia e Israel en mercados finais como China, India, Latinoamérica e África".

De acordo coa nota, a creación deste centro "permitiría crear a estrutura permanente necesaria para garantir a concretización de oportunidades no sector da saúde entre Galicia e Israel".