A xustiza condena a Zara por “discriminar a traballadoras” con redución de xornada

A firma deu elixir a 16 traballadoras entre o despedimento, o traslado a outra tenda da cidade ou a renunciar á redución de xornada da que gozaban.

Un xulgado de Almería condenou a Zara, a firma máis reconocible da empresa galega Inditex, por un delito de discriminación a 16 traballadoras, ao prohibirlles facer uso da súa redución de xornada por coidado de fillos menores de idade, un dereito laboral fundamental.

Os feitos tiveron lugar cando a compañía pechou a súa tenda no Centro Comercial Mediterráneo de Almería, abrindo outra tenda no Centro Comercial Torrecárdenas. Do persoal, 16 traballadoras tiñan reducida a súa xornada laboral, pero Zara non lles permitiu trasladar o seu horario laboral á nova localización.

No seu lugar, a empresa obrigounas a elixir entre o despedimento, o traslado a outra tenda da cidade ou a renunciar á redución da súa xornada. Finalmente, a empresa recolocou ás traballadoras noutro centro a 25 quilómetros de distancia.

A sentenza obriga á firma para indemnizar ás traballadoras cunha multa superior aos 6.000 euros e a recolocar ás traballadoras en Torrecárdenas coa súa redución de xornada correspondente.

A Central Sindical Independente e de Funcionarios (CSIF), entidade sindical que gañou o caso ante a xustiza, considera que se trata dunha sentenza “exemplar” e que expón “os abuos dun sectr altamente feminizado”.