Xulgado procesa á galega San José por branqueo nas obras do AVE

Varias construtoras están a ser investigadas por fraude nas obras do AVE en Murcia. Segundo informa a prensa local, o xulgado citou como investigadas a catro UTEs participadas por Acciona, Construcciones, Villegas, Dragados, Hormigones Martínez, Tecsa, Sacyr, Neopul e á pontevedresa Construtora San José, que por agora garda silencio.

SUPOSTAS FACTURAS FALSAS

En concreto, de acordo a ALa Verdad de Murcia, á UTE na que San José participaba acúsaselle de "estafa, falsidade documental, pertenza a organización criminal, branqueo de capitais e insolvencia punible".

De acordo a unha nota do Tribunal Superior de Xustiza de Murcia, a suposta trama actuaba con "facturas falsas; que permitirían, en última instancia un desvío de fondos do orzamento de ADIF denuncia da Axencia Tributaria que podería roldar os 9,8 millóns de euros". O total da fraude podería roldar finalmente os 23 millóns.

INVESTIGADOS

A maxistrada do xulgado de Instrución número 9 de Murcia pechou hai unhas semanas as dilixencias previas do "caso Cesar", tamén fraude nas obras do AVE no tramo de Crevillente a Murcia. Hai máis de 50 persoas investigadas, entre elas varios cargos de Ministerio de Fomento.

Segundo Economía Dixital, oito dos investigados son responsables da empresa galega. “Destaca a diferenza non xustificada por Construtora San José SA entre o importe facturado a ADIF (12,88 millóns de euros) e o sumatorio de custos achegado (9.5 millóns de euros)”, recolle o auto segundo o citado medio. 

De acordo a La Verdade as pescudas sobre San José céntranse en "se responsables desta sociedade puideron concertarse cunha subcontrata, Bluesa, con sede no Raal e actualmente en proceso de disolución, para inflar artificialmente as facturas pola reposición de acequias".

Galiciapress púxose en contacto coa construtora pontevedresa para dar o seu punto de vista do proceso, sen recibir resposta ata agora.