A Galiña Azul podería rexeitar aos nenos que non teñan as vacinas ao día

A Xunta estuda a posibilidade de esixir na matrícula que os infantes teñan ao día as súas vacinas para poder optar a unha praza, tal e como está a estudar a Consellería de Política Social.

O presidente Feijóo nun centro de educación infantil

Así o confirmou Política Social, quen con todo mantén que esta posibilidade estase estudando con vistas ao próximo curso e que sairá publicada o próximo mes de marzo.

O obxectivo é “concienciar aos pais” da importancia da vacinación, tanto para protexer a saúde dos nenos propios como dos demais alumnos. Os nenos terían que ter por tanto o calendario de vacinas a o día, pero con flexibilidade no caso de que algún neno ou nena teña unha vacina pendente por motivos xustificados.

Con todo, é importante lembrar que en España non é obrigatoria a vacinación dos infantes, aínda que existen centros privado que esixen a vacinación dos nenos e nenas, avalados polos tribunais.

O ministerio lembrou que as taxas de vacinación entre os máis pequenos en Galicia son e moi altas, sendo a comunidade galega unha comunidade “modélica”. Con todo, xunto cos esforzos da Consellería de Sanidade por frear o movemento antivcuna, o departamento que xestiona a rede de escolas infantís, ‘A Galiña Azul’ neste caso, cre que é fundamental crear unha liña de actuación do goberno galego no seu conxunto.