Pachi Vázquez presentará o seu novo partido para as municipais

|

Ao proxecto incorporaranse exmilitantes socialistas que deixaron os seus cargos en distintas asembleas locais.


Pachi Vázquez


O que fose secretario xeral do PSdeG entre 2009 e 2013, Manuel 'Pachi' Vázquez, prevé presentar publicamente esta semana en Ourense o seu novo partido político para as próximas eleccións municipais do 26 de maio.

Segundo informou a Europa Press o que tamén fose conselleiro de Medio Ambiente de Emilio Pérez Touriño, a presentación terá lugar esta semana na cidade de Ourense.

Neste novo proxecto político previsiblemente incorporaranse exmilitantes socialistas que deixaron os seus cargos nas respectivas asembleas locais de Piñor, Maceda e O Carballiño tras diferenzas coa dirección provincial do PSdeG.


GONZALO CABALLERO RÉSTALLE IMPORTANCIA

Cuestionado sobre este asunto durante a súa participación nun acto en Santiago, o secretario xeral do PSdeG, Gonzalo Caballero, restou importancia ao que denomina como "operacións persoais" que, ao seu xuízo, "preocupan moi pouco á xente neste tempo tan relevante para o país". "Que cada un saiba da súa vida o que quere facer", apostilou.


"Aos cidadáns o que agora lles preocupa é que imos facer co país. Se imos apostar polo avance, o progreso dun goberno liderado polos socialistas; ou se imos deixar que a dereita e a ultradereita fagan unha operación de retorno ao pasado que non queremos", resolveu.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress