Deputada próxima a Baltar deixa o PP e pode irse a Cidadáns

|

Outro cargo do PP de Ourense que se marcha e outro cargo que pode acabar liderando unha lista de Cidadáns. Tras a saída do número 2 na capital, hoxe dimitiu Montse Lama, deputada provincial e concelleira en Xinzo de Limia.



Montse lama novoa


A dimisión de Lama é especialmente relevante. Ata agora, era unha das políticas máis próximas ao presidente provincial, Manuel Baltar. Ocupábase da área de Transparencia na Deputación.


"FALTA DE TRANSPARENCIA" DO PP

A suposta falta de transparencia do PP de Xinzo é un dos motivos da súa saída. "O PP e eu deixamos de compartir valores" declarou hoxe a xa ex-concelleira de e Comunicación e Relacións Institucionais no Concello de Xinzo de Limia .


Lama criticou a suposta falta de transparencia nas primarias de Xinzo. A política dixo que "en Xinzo queda evidencia que non houbo transparencia e democracia". O PP desta vila viviu moitas tensións estes meses, tras a dimisión do histórico alcalde, condenado en sentenza firme.


CAMIÑO A Cs?

"Marcho cansa, farta", engadiu a ex-concelleira, quen argumenta que leva meses meditando a súa decisión. Acabará en Cidadáns? Por agora o partido laranxa non confirmou a súa fichaxe, pero existen rumores nese sentido desde hai semanas.  


Pola súa banda, Lama confirmou que non pensa deixar a política e deuse un tempo para analizar posibles ofertas. Todo indica, pois, que pode encabezar a lista de Cs en Xinzo. Hipótese máis plausible tras a saída de José Araújo, ex-tenente de alcalde de Ourense, do PP a Cidadáns.


BALTAR MIRA PARA OUTRO LADO, POR AGORA

Baltar ve así como abandónaa unha das súas colaboradoras máis directas. Por agora, o líder provincial non quixo facer sangue. 


Agradeceulle o seu traballo e limitou a fuga a unha decisión persoal. Sobre as críticas lanzadas pola ex-deputada provincial, o tamén presidente do PP provincial despachounas dicindo que "iso son opinións dela, eu limítome a traballar e gobernar".

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress