Os vixiantes de seguridade protestan ante a perda dun milleiro de empregos en prisións

A Federación de Traballadores de Seguridade Privada da Unión Sindical Obreira (FTSP-USO)  convoca concentracións en centros penais de Galicia e toda España. Serán este  próximo luns 18 ás 11:30 horas. En Galicia terá lugar ante en Centro Penal de Teixeiro (A Coruña).

Os vixiantes de seguridade protestan polo plan do goberno para prescindir deles nos controis de acceso aos cárceres. "Esta decisión aboca ao desemprego a máis de mil de Vixiantes de Seguridade en todo o territorio nacional entre os que se atopan máis de medio centenar nas prisións galegas de Teixeiro (A Coruña), A Lama (Pontevedra), Pereiro de Aguiar (Ourense) e as das das situadas na provincia de Lugo, Bonxe e Monterroso", alerta o sindicato

Segundo a súa versión, Institucións Penais quere retirar aos vixiantes de seguridade que prestan servizo no exterior dos cárceres, devolvendo esta competencia de forma exclusiva aos Corpos e Forzas de Seguridade do Estado. A decisión aínda non é firme, ten que ser ratificada polo Ministerio do Interior,.

De ser así, os despedimentos poderían comezar a partir do próximo 31 de Maio, data na que irán finalizando os contratos con Interior das empresas de seguridade que prestan este servizo nas prisións.

PIDEN UNIDADE E ACCIÓN SINDICAL PARA FREAR Ao GOBERNO

Desde a FTSP-USO piden "unidade sindical e a asistencia masiva dos traballadores de Seguridade Privada a todos os actos de protesta que se organicen, indistintamente do sindicato ou asociación que convoque, para frear Goberno e que rectifique nas súas pretensións".