Cae o presunto atracador de cinco bancos en Galicia

|

Armado cunha pistola e saíndo rápìdo dos bancos atracados con botíns non moi  imporntantes. Así actuaba un presunto ladrón, que atracara cinco bancos en menos dun ano.


Axentes da Policía Nacional e da Garda Civil levaron a cabo un operativo conxunto no que foi detido un home como presunto responsable de cinco roubos con violencia en oficinas bancarias da Coruña e Miño.

Segundo informaron os corpos de seguridade, o primeiro deles produciuse o 8 de xuño de 2018 nunha oficina de bancaria da rúa Betanzos da Coruña.


Detido un home por varios atracos ocorridos na provincia da Coruña .
O autor do feito penetrou no interior da oficina bancaria a media mañá, "ocultando o seu rostro cunha visera e unhas lentes, e esgrimindo un arma de fogo esixiu aos empregados da entidade que lle entregasen o diñeiro, logrando subtraer unha cantidade próxima aos 9.000 euros", relatan as mesmas fontes, que engaden que unha vez conseguido o diñeiro, fuxiu do banco.

O 21 de setembro de 2018 produciuse un roubo con violencia nunha oficina bancaria no polígono da Grela da Coruña, cometido por un home cuxas características físicas e vestimenta "eran semellantes ás do feito anterior e que esgrimiu tamén un arma de fogo curta, pistola", sinalan. Nesta ocasión apoderouse de 6.000 euros.

O 17 de decembro de 2018 o mesmo home levou a cabo un atraco nunha oficina bancaria da rúa Juan Flórez da Coruña, onde intimidou aos empregados cunha pistola e apoderouse de 6.900 euros.

EN 2019
No mes de xaneiro deste ano o mesmo autor, co mesmo 'modus operandi', levou a cabo outro roubo con intimidación nunha oficina bancaria da localidade de Miño, de onde levou 4.000 euros.

O último feito produciuse o pasado día 12 de febreiro nunha sucursal bancaria da rúa San Mateo da Coruña, na que se apoderou de mil euros.

Iniciadas as investigacións e postos en marcha os mecanismos de coordinación establecidos entre ambos os corpos policiais, conclúese que a autoría destes atracos "corresponde, por modus operandi, arma empregada, características físicas e vestimenta, á mesma persoa".

As mesmas fontes explicaron que no rexistro domiciliario procedeuse á intervención de pezas e calzado utilizadas nos citados roubos.

Por iso, os investigadores de Policía Nacional e Garda Civil coordinaron un dispositivo para "tratar de localizar e proceder, no momento oportuno, á detención do home investigado", concluíron.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress