Retencións debido a un accidente con feridos na Ponte de Rande

Unha colisión entre un turismo e unha furgoneta rexistrada este xoves na Ponte de Rande saldouse con tres feridos e provocou retencións no tráfico na autoestrada AP-9 en sentido norte.

Así o informou o 112 Galicia, que concretou que, a causa do impacto, a persoa que conducía a furgoneta necesitou da axuda dos efectivos de rescate para poder saír do vehículo e recibir asistencia, xunto cos dous ocupantes do turismo, das lesións provocadas polo choque.

Sobre as 13:30 horas a Garda Civil de Pontevedra informou de que o tráfico estaba normalizado:

Normalizada circulación na Ponte de Rande pic.twitter.com/6wEjVxDFkk

— Plan DirectorGC Pont (@PlanDirectorPon) 7 de febreiro de 2019

En total, foron tres os feridos en esta colisión da que informaron varios particulares ao 112 cando pasaba do mediodía deste xoves.

Tras a alerta, o Centro Integrado de Atención ás Emerxencias de Galicia avisou aos Bombeiros do Morrazo, efectivos do 061, axentes da Garda Civil de Tráfico e membros do Centro de Xestión de Autoestradas.

En concreto, ao lugar o 061 enviou unha ambulancia asistencial e outra medicalizada para atender aos feridos, dos cales polo menos un foi levado ao Hospital Álvaro Cunqueiro de Vigo, confirmaron fontes sanitarios.