"Novo contrato" para Navantia en Ferrol relacionado coa enerxía eólica mariña

|

Aínda que o director dos estaleiros públicos evita concretar, o proxecto podería supoñer a construción de bases similares ás que xa se están facendo para colocar fronte á costa de Viana do Castelo.


O novo director dos estaleiros de Navantia na ría de Ferrol, Jorge Filgueira, asegurou que "nun par de semanas" haberá "noticias dun novo contrato" no ámbito do sector eólico mariño para poder ser desenvolto nas instalacións do estaleiro de Fene (A Coruña).


Reunión de traballo da Unidade Mixta Navantia-UDC.
O responsable da empresa naval pública asegurou que este sector "é moi activo" e que "en todo momento" están "a tratar de posicionarse para conseguir un contrato novo", aínda que non desvelou nin o nome da compañía nin a cantidade e tipo de estruturas.

Segundo fontes consultadas por Europa Press, este contrato está vinculado coa construción de cinco unidades eólicas mariñas, idénticas á que xa está a realizar a día de hoxe nas instalacións da antiga Astano en UTE (Unión Temporal de Empresas) coa asturiana Windar, e cuxa estrutura será colocada a uns 20 quilómetros da costa na localidade portuguesa de Viana do Castelo. A súa finalización está prevista para xuño deste ano 2019.

Estas unidades teñen xeometría e aspecto similar ás empregadas no sector petrolífero, cunha planta triangular de 70 metros de lado, columnas de 12 metros de diámetro e 30 metros de altura nos vértices. O fuste do aeroxerador instálase nunha das súas tres columnas. Esta unidade destinarase ao proxecto 'WindFloat', do que é unha das súas promotoras a empresa portuguesa EDP.

DIQUE SECO
Con respecto ao proxecto para materializar a construción dun dique seco cuberto, Filgueira trasladou que "unido a todo o que ten que ver co proxecto de estaleiro 4.0, internamente, está a iniciativa do dique seco, pero é un tema que aínda está en desenvolveu e irá en paralelo con outros proxectos, como son as fragatas F-110".

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress