Mil euros de recompensa para quen identifique ao que disparou nun ollo a un can

|

A Asociación Animalista Libera e a Fundación Franz Weber (FFW) ofreceron unha recompensa de 1.000 euros para quen achegue datos sobre o autor dun disparo no ollo a un can na provincia de Ourense, que foi rescatado pola Asociación Prol Animais de Verín.


Perrosabandonadosrefugio


Nun comunicado conxunto, denunciaron "este covarde acto de malos tratos" e advertiron de que o autor se pode enfrontar, por vía penal, a unha condena de entre un e tres anos de cárcere, ademais de inhabilitacións para tratar con animais.


En caso da vía administrativa, a sanción económica podería ascender ata os 30.000 euros, se se aplica a nova Lei de Benestar Animal, tal e como explicaron ambas as asociacións.


Libera e a FFW mostráronse "moi preocupados" pola "abraiante impunidade" dos autores dos tiroteos, e lembraron outros casos sucedidos en Verín e Pontevedra o pasado ano.


Coa recompensa pretenden "incentivar a posibles testemuñas para xerar información" que permita actuar ás autoridades. Ademais, pediron ao Goberno galego que "traballe en campañas específicas para disuadir á poboación a acerca da súa obrigación legal de denunciar un delito se teñen constancia diso".


Neste sentido, os animalistas sinalaron que "quen presencia un acto cruel e non o pon en coñecemento das autoridades, só está a axudar a quen o comete".


Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress