O xuízo aos presos do "procés", trasladados a Madrid, empezará en 10 días

A Sala do Penal do Tribunal Supremo fixou o inicio do xuízo contra os líderes independentistas polo proceso soberanista en Catalunya o próximo 12 de febreiro.

O exvicepresidente da Generalitat Oriol Junqueras; os exconsellers Josep Rull, Jordi Turull, Raül Romeva, Dolors Bassa, Joaquim Forn, Meritxell Borràs, Carles Mundó e Santi Vila; a expresidenta do Parlament Carme Forcadell; o expresidente da ANC Jordi Sànchez e o líder de Ómnium Cultural, Jordi Cuixart, sentarán no banco dos acusados polos delitos de rebelión ou sedición, malversación de caudais público e/ou desobediencia.

Precisamente este venres, os nove acusados por rebelión que están en prisión preventiva foron trasladados a centros penais de Madrid desde os cárceres cataláns para que poidan estar xa a disposición do tribunal, tal e como sinalou unha providencia, e poder asistir a este xuízo que comezará en dúas semanas.