‘R’ patrocinará ao Deportivo da Coruña

A compañía de telefonía será o patrocinador principal do Depor na súa división da liga Genuine.

Partido de LaLiga Genuine / Foto: A liga

A empresa operadora de telefonía ‘R’, filial de Euskaltel, será o patrocinador do equipo que o Deportivo da Coruña ten en LaLiga Genuine. O acordo, para patrocinar ao conxunto esta tempada e a que vén, será presentado mañá.

No acto, que se realizará na sala de prensa de Riazor a partir das 12:30 horas, estarán presentes o presidente do RC Deportivo da Coruña, Tino Fernández, e Alfredo Ramos, director xeral de R.

LaLiga Genuine Santander é “unha iniciativa integradora de responsabilidade social e pioneira no mundo, organizada por LaLiga a través da súa Fundación, que consistente nunha Liga de fútbol integrada por equipos con persoas con discapacidade intelectual”, tal e como sinala a web de LFP. A competición, con 30 equipos, conta coa participación de tres equipos galegos: o RC Deportivo da Coruña, o RC Celta de Vigo e o CD Lugo.