A Cidade da Cultura acolle o festival 'Pequefilms'

O Museo Centro Gaiás da Cidade da Cultura acollerá os días 26 e 27 de xaneiro unha nova edición do festival infantil de curtametraxes 'Pequefilms', cunha programación que percorre os cinco continentes.

O Museo Centro Gaiás da Cidade da Cultura acollerá os días 26 e 27 de xaneiro unha nova edición do festival infantil de curtametraxes 'Pequefilms', cunha programación que percorre os cinco continentes.

Durante a próxima fin de semana, serán máis de 150 proxeccións de curtametraxes de 30 países as que se poderán ver na Cidade da Cultura, nunha iniciativa promovida pola Consellería de Cultura e Turismo, co obxectivo de "facer germinar o gusto polo audiovisual de calidade desde as idades máis novas".

Ademais, os nenos serán os encargados de valorar e puntuar as curtametraxes, participando así de forma activa na elección das películas que recibirán os premios do público do festival.

'Pequefilmes' completa a súa programación con talleres de creación cinematográfica para aprender técnicas e conceptos do mundo do cinema e da animación.

Nesta edición, as familias aprenderán "xuntas a deseñar e animar personaxes empregando a técnica da animación fotograma a fotograma e poderán construír o seu propio proxecto de cinema caseiro con materiais reciclados".

As entradas para as proxeccións e os talleres están á venda no Museo Centro Gaiás a través da web en www.ataquilla.com.

Os traballos que se poderán ver, que xa se han visionado nos festivais de cinema infantil, xuvenil e de animación máis importantes do mundo, como o Annecy ou Animamundi, divídense en tres seccións de idade: Vagalumes, de 0 a 3 anos; Miñocas, a partir de 3 anos e Fanecas, para maiores de 7 anos.

A eles súmanse curtametraxes procedentes do prestixioso festival Clermont-Ferrand que colaboraron coa Fundación Cidade da Cultura, nas últimas edicións 'Pequefilmes'.

No que respecta á representación galega nesta edición participan catro traballos feitos na comunidade: 'Vila Peluxe', de Andrea Castro, Rebeca Domínguez e Javier González; 'The magic oven' de Andrea Sánchez, Natalia Senra e Sandra Varela, 'Criaturas caóticas' de Olga Osorio e 'Paquita', de Javier González Garrido.