“Son os peores orzamentos para Galicia desde o ano 2002”

O presidente de la Xunta criticou que os Orzamentos Xerais do Estado paralicen o investimento en infraestruturas e móstrase “profundamente preocupado” polas contas tanto deste ano “como de anos vindeiros”.

O goberno de la Xunta estudou detidamente os Orzamentos Xerais do Estado e despois dunha primeira análise sente “profundamente preocupado polas contas deste ano pero especialmente polo investimento nos seguintes exercicios”. Así o declarou Alberto Núñez Feijóo na rolda de prensa ante os medios, ratificando que son “unhas moi malas contas”, que provocarán unha “parálise” no investimento da “maioría das infraestruturas previstas para Galicia” e que se tratan dos orzamentos “co investimento máis baixo desde o ano 2002”.

Feijóo insistiu na “decepción e profunda preocupación” que lle espertan os PGE, cun investimento un 19% menor aos orzamentos do 2018. “Preocupa non só para 2019, senón para os anos vindeiros”, lamentou o presidente do goberno galego, quen afirmou que estas sensacións non as ten unicamente a Xunta, senón que “as compartimos todos, tamén o resto de partidos, por iso debemos analizar con profundidade o contido e alcance dos orzamentos”. Uns orzamentos que cualificou de non ser realistas porque cren que “a recadación non vai ser a que reflicten”, de que incrementará os impostos dos fogares galegos e que supoñen un forte descenso no investimento deste ano e os seguintes.

No relativo á subida dos impostos, Feijóo tachouna de “indiscriminada”, subliñando o imposto sobre o diesel. “O 85% do combustible que consumimos os galegos é o diesel; gastaremos 70 millóns de euros máis, e terá un impacto enorme na competitividade dos autónomos, familias e empresas de transporte”.

“UN ORZAMENTO DISCRIMINATORIO”

Con todo, a súa principal preocupación é nas infraestruturas. “Mentres o orzamento de Fomento crece un 26% os investimentos territorializados, en Galicia baixa ese mimo 26%”, argumenta Feijóo, quen o valora como un “orzamento discriminatorio”. Así, anuncia o adiamento dos proxectos da liña de AVE Coruña-Ferrol e Ourense Vigo. “Hai un ano un millón de euros na liña Ourense-Vigo era moi pouco, pero hoxe medio millón é fantástico…pois en 2020 será de 0 euros”, queixouse o presidente do goberno galego, quen si abrazou o investimento no AVE a Lugo, o único punto que “se salva” no referido ao ferrocarril.

En canto ás estradas, o déficit é idéntico ao de ferrocarrís, portos e aeroportos. “Na Autoestrada do Atlántico, unha das máis caras do Estado, non haberá investimento”, sinalou, como exemplo desta situación de parálise nas infraestruturas das comunicacións en Galicia, que tamén afectará á autovía que conectará Santiago con Lugo “onde o investimento recórtase”.

Ante esta situación, Feijóo anunciou que exporá “emendas razoables, as que tiñamos previsto en orzamentos anteriores e non imos discutir a perdida do que xa tiñamos”, reiterando a súa preocupación no investimento “tanto do ferrocarril como das estradas de 2020 en diante”. Á súa vez, deixou un recado para o goberno de Pedro Sánchez, ao que acusou de premiar ás comunidades “máis desleais, que son as que teñen máis presupostos” mentres que as comunidades leais, “como Galicia” teñen “uns orzamentos máis baixos”.