Como é posible que arda o monte en plena alerta por frío?
Esta fin de semana arderon polo menos outras 52 hectáreas, no Courel e Fisterra. Levamos case 70 incendios no que vai de ano, a maioría en xornadas con moitísimo frío. Mentres, a principal ferramenta de la Xunta contra o lume, o SEAGA, vive un conflito laboral.
Esta fin de semana arderon polo menos outras 52 hectáreas, no Courel e Fisterra. Levamos case 70 incendios no que vai de ano, a maioría en xornadas con moitísimo frío.
Os expertos apuntan a lumes provocados para rexenerar zonas de pradería. O tempo frío e seco adiantou este habitual pico de lumes en Galicia, boa parte deles no Macizo Central de Ourense .Mentres, a principal ferramenta de la Xunta contra o lume, o SEAGA, vive un conflito laboral.
O incendio forestal rexistrado na tarde deste domingo no termo municipal de Folgoso do Courel (Lugo) quedou extinguido tras queimar unhas 30 hectáreas de monte raso.
Segundo informou a Consellería do Medio Rural, este lume comezou ás 14,26 horas deste domingo na parroquia de Noceda, no concello lucense de Folgoso do Courel, e quedo extinguido ás 19,31 horas da mesma xornada.
Na extinción deste incendio traballaron un axente, catro brigadas, unha motobomba e un helicóptero, concretou o departamento de Medio Rural.
Escribe o teu comentario