Xuízo á Deputación de Ourense pola compra do arquivo dun xornal

Os xulgados de Ourense acolleron hoxe a vista oral de o xuízo pola compra do arquivo do xornal local La Región. A entidade pública provincial aprobou o gasto de 2,7 millóns cando o arquivo, segundo a denunciante Democracia Ourensá, ten un valor "próximo a cero".

Instantes previos ao xuízo nunha imaxe publicada polo líder de DO

En declaracións nos xulgados, o seu líder Gonzalo Pérez Jácome , asegurou que a compra se fixo a cambio de "tratos de favor" ao presidente Manuel Baltar (PPdeG) na liña editorial do xornal, líder de difusión entre a prensa impresa na provincia.

A venda inclúe exemplares do xornal desde 1910 ata a actualidade. Hai uns anos,  a Xunta xa comprou unha parte de o arquivo deste diario e outras cabeceiras galegas. A Administración Autonómica pagou ao grupo ourensán, iso si, 18 veces menos, 150.000 euros; segundo datos reproducidos por Público .

O acordo coa Deputación incluía un pago de 900.000 euros é 2018 e outro tanto este ano. DO pide a devolución do xa pago e a anulación desta "subvención encuberta".  Tanto a administración como a empresa defenden a legalidade da operación.

O xulgado do Contencioso-Administrativo número 1 de Ourense admitiu a trámite a denuncia do partido localista a pasada primavera. A Deputación de Ourense estivo a piques de entrar no accionariado do grupo mediático cando gobernaba o pai do actual presidente.