"A Xunta favorece a imputados por fraude e os vixiantes de seguridade acaban cobrando 300€ menos", denuncia UXT

|

A Xunta de Galicia, e en particular a Consellería de Cultura, están a sacar concursos que violan a Lei para favorecer a empresas que traballan fóra de convenio e cuxos directivos están imputados por fraude á Seguridade Social. Esta é a denuncia de UXT, que pon nome a estas empresas "pirata": a monfortina Alcor Seguridadea canaria Sinerxias de Vixilancia e Seguridade.


MENOS SOLDO

Son os traballadores os que acaban sufrindo as consecuencias. Segundo explica Enrique Chames, un vixiante de seguridade dunha compañía suxeita ao convenio sectorial que traballe para a Administración gaña uns "1.000 ou 1.100 euros de media" mentres que un operario destas compañías "low-cost" anda "polos 730 e facendo máis horas".


36 HORAS DE TRABALLO SEGUIDO

Chames, do equipo Contratación Pública FeSMC – UXT Galicia,  alerta que cada vez son máis administracións galegas as que apostan por este modelo. Entre outras, o Parlamento de Galicia ou o Concello de Ortigueira, a cuxo Festival tivo que acudir a Inspección de Traballo porque os vixiantes tiñan que facer "36 horas seguidas". "Facíanos traballar como cabalos", laméntase o sindicalista.


UXT pon o foco especialmente na Consellería de Cultura. Non só porque Alcor xa opera a vintena de vixiantes da Cidade da Cultura senón porque acaba de sacar dous novos concursos que volven favorecer ás baixo custo. 


DOUS NOVOS CONCURSOS 

En concreto, trátase dos concursos do 21 de decembro para  varios centros dependentes de a Xefatura Territorial da Coruña, (Museo da Peregrinación, Museo de Belas Artes, Biblioteca Pública Miguel González Garcés, Biblioteca Pública Ánxel Casal) e o 24 de decembro os dependentes da Xefatura Territorial de Pontevedra  (Museo Massó, Biblioteca Pública Antonio Odriozola e Biblioteca Pública Vigo).


A presunta ilegalidade está na porcentaxe da puntuación. A nova Lei de Contratación Pública 9/2017  establece  que a parte económica non pode supoñer máis de 49% da puntuación.  O lexislador busca así precisamente impedir que as empresas que se descolgaron do convenio colectivo cun convenio propio -como lles faculta a reforma laboral do PP- fagan a competencia desleal levándose todas as licitacións públicas tirando prezos aproveitando que pagan menos á súa man de obra.


UXT quéixase que nos pregos de la Xunta existen "bolsas de horas" que permiten burlar esta porcentaxe de modo fraudulento. "Se me regalas tantas horas, douche tantos puntos", explica Chames.


O resultado é que a Xunta e outras administracións están a "fomentar empresas que incumpren o convenio colectivo". O sindciato  son empresas "cuxos directivos se atopan imputados e investigados en numerosos procesos penais polos delitos de fraude á Seguridade Social, a a Facenda Pública e contra os traballadores, entre outros, no Xulgado de Instancia n.ou 2 de Monforte de Lemos".


Segundo informou o sindicato USO o ano pasado, directivos de Alcor  están imputados por numerosos delitos por, entre outras cousas, pagar como dietas as horas extra.


"COMPETENCIA DESLEAL EN TODO O ESTADO"

Chames asegura que ese preito -derivado de a Operación Muro pola que Carlos Somoza foi detido en 2015segue en fase de instrución  pero que en numerosas ocasións a Inspección de Traballo sancionou a Alcor. Ante esta situación, o sindicalista anuncia protestas nas rúas e recursos ante as mesas de contratación.


Doo Alcor Seguridade

Dono de Alcor cando quedou en liberdade tras ser detido | crtvg


O problema desta "competencia deselal" é estatal, non só galego. Por exemplo, Alcor levou a seguridade da Cabalgata de Reyes en Madrid. Galiciapress solicitou o punto de vista da Consellería de Cultura sobre a denuncia de UXT, sen recibir resposta por agora. 

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE