Sánchez aprobará os orzamentos en Consello de Ministros esta semana
O presidente nega polo momento que vaia a haber adianto electoral
O presidente do Goberno, Pedro Sánchez, prevé levar o proxecto de lei dos Orzamentos Xerais do Estado (PGE) ao primeiro Consello de Ministros do ano, o venres 11 de xaneiro, co fin de iniciar a tramitación parlamentaria a pesar de non ter garantidos os apoios necesarios, segundo explicou nunha entrevista a Efe.
Tamén presentará en xaneiro o gran plan económico para os próximos anos, que se bautizou como a axenda do cambio e que se interpreta como un intento de enfocar o labor do Goberno cara a outro lugar que non sexa o proceso independentista catalán.
O presidente nega polo momento que vaia a haber adianto electoral, pero se non consegue aprobar os PGE verase nun serio problema, ademais do desafío catalán e o descenso socialista en Andalucía.
Sobre o bloque Partido Popular-Cidadáns-Vox en Andalucía, Sánchez afirma que son moitas as voces en Europa que non comprenden a actitude da formación laranxa, con Albert Rivera á cabeza, de pactar coa ultradereita.
Escribe o teu comentario