Polo menos dúas Mareas distintas nas municipais lucenses
EQUO, Podemos e Esquerda Unida negocian para unirse para as eleccións municipais.
EQUO, Podemos e Esquerda Unida negocian para unirse para as eleccións municipais.
Nun comunicado emitido por ‘EQUO Lugo’ a agrupación informa de que as negociacións mantidas entre EQUO Lugo, o Consello Local da Agrupación lucense de Esquerda Unida e o Círculo de Podemos de Lugo van tomando forma para lograr “un acordo para concorrer ás próximas eleccións municipais”.
A reunión, mantida na sede de EU Lugo, significa o segundo achegamento entre as partes no calendario de negociacións que manteñen os grupos. “Os termo da negociación atópanse dentro do marco federal pactado entre as tres organizacións e aprobado pola maioría dos militantes das mesmas”, afirma o comunicado.
“Na reunión analizouse o contexto político actual do municipio e perfiláronse as bases programáticas para unha alternativa de goberno de esquerdas, feminista, ecoloxista e que aposte pola radicalidad democrática, a participación cidadá e a absoluta rexeneración da xestión local para dar carpetazo dunha vez por todas ás prácticas corruptas e clientelares da administración local”, sentencia a nota de EQUO.
Esta situación supón un paso máis para que nas próximas eleccións municipais existan polo menos dúas candidaturas procedentes da Marea que nas anteriores eleccións presentouse baixo a marca de Lugonovo, fóra de Esquerda Unida, que en 2015 apoiou a candidatura de Alternativa Cidadá de Esquerdas-EU.
Escribe o teu comentario