Torra e Sánchez chaman ao diálogo tras a súa reunión

Tras a reunión celebrada entre o presidente do Goberno de España, Pedro Sánchez, e o presidente da Generalitat, Quim Torra, a portavoz do Govern, Elsa Artadi, leu un comunicado conxunto pactado entre ambos os actores e "apelando ao diálogo efectivo que vehícule unha resposta política".

No comunicado, lido por Artadi durante a rolda de prensa posterior ao encontro, apélase a "todas as institucións, actores políticos e cidadanía" para atopar unha solución ao "conflito sobre o futuro de Catalunya".

Artadi non perdeu ocasión de criticar a "calidade democrática" de España e dixo que é "importante a rexeneración democrática e institucional do Estado español", falando mesmo dunha "suposta desfranquización da sociedade española".

Ademais, a portavoz do Govern pediu que sigan adiante os encontros entre titulares homólogos de carteiras de goberno para tratar asuntos de interese para os cidadáns.