24 horas de folga na CRTVG contra a "manipulación" do PP
Os medios públicos galegos prepáranse para algo inédito na súa historia. Os traballadores están convocados a 24 horas de folga este mércores en defensa do servizo público.
Os medios públicos galegos prepáranse para algo inédito na súa historia. Os traballadores están convocados a 24 horas de folga este mércores en defensa do servizo público.
Ademais de parar, os operarios mobilizaranse. Desde as 10 da mañá estarán a protestar diante do Parlamento de Galicia. A partir das 12 horas percorrerán as rúas do centro da capital detrás dunha pancarta que reza "non desmantelamento, manipulación, represión".
Pancarta da folga na CRTVG | CUT Facebook
FALSOS RUMORES DE ACORDO
Desde a CUT, o principal sindicato do Comité Intercentros, denúnciase que a dirección tentou desmovilizar ao persoal nas últimas horas. A central desmente "radicalmente" os "rumores" dun posible acordo. De feito, parece que a última reunión prevista coa dirección non se chegou nin a celebrar.
Hai meses que o persoal protesta polo que entende unha manipulación do ente público en favor dos intereses políticos do Partido Popular. Ademais, insisten en que a CRTVG ten que potenciar a súa produción propia, no canto de alimentar cada vez máis unha rede de produtoras privadas -moitas en mans dos grupos mediáticos galegos. Actualmente, a produción propia da TVG a penas cobre os informativos en sentido estrito.
#venresennegro
Reivindicacions profesionais que conxugan con peticións laborais, como acabar co alto grao de precariedade -con departamentos como o da internet no que case só traballan bolseiros- e poñer fin aos expedientes abertos a compañeiros nas últimas datas.
A xornada de folga de mañá culmina meses de #venresnegros, nos que os asalariados se visten de loito para facer visible o seu malestar. Preocupación que aumenta ante os movementoss políticos no Estado, pois Vox en Andalucía xa puxo como condición para apoiar ao PP suprimir Canal Sur.
Escribe o teu comentario