Ana Cabaleiro, gañadora do 'Premio de Novela Manuel García Barros' por 'As Ramonas'
A escritora impúxose coa súa novela na XXX Edición do premio literario, dotado con 9.000 euros de premio e a publicación da novela.
A escritora impúxose coa súa novela na XXX Edición do premio literario, dotado con 9.000 euros de premio e a publicación da novela.
O secretario xeral de Política Lingüística, Valentín García participou este venres en A Estrada na entrega do Premio de Novela Manuel García Barros á xornalista Ana Cabaleiro pola obra 'As Ramonas'.
O galardón -dotado con 9.000 euros e a publicación da novela- foi convocado polo Concello da Estrada coa colaboración da Secretaría Xeral de Política Lingüística e a Editorial Galaxia.
Ana Cabaleiro (Silleda, 1974) é a terceira muller en gañar o Premio de Novela Manuel García Barros. Con anterioridade, Cabaleiro xa publicou en Galaxia o libro de contos 'Sapos e sereas' (2017).
Agora, a mesma editorial faise cargo, como parte do premio, da publicación de 'As Ramonas', unha novela de protagonismo feminino ambientada no seu Silleda natal e noutros concellos próximos, como A Estrada, da que o xurado destacou o "fino trazado de personaxes e a calidade da prosa".
Escribe o teu comentario