As afectadas pola vacina do papiloma poderán falar finalmente en Vigo

As mulleres afectadas pola vacina do papiloma poderán finalmente expoñer o seu punto de vista en Vigo. Despois do o Concello cancelase a cesión dunha sala do museo MARCO para as xornadas "Mulleres e Saúde", a organización -impulsada pola eurodeputada Lida Senra- trasladou o evento ao Café de Catro a Catro.

Alí terán lugar as conferencias este sábado a partir das 11 horas. Alicia Capilla, presidenta de a  Asociación de Afectadas pola Vacina do Papiloma Humano (AAVP) falará a partir das 13 horas.

A presenza de Capela foi o detonante que levou ao concello de Abel Caballero (PSOE) a cancelar a cesión dun espazo público para as charlas, montadas desde Alternativa Galega de Esquerdas en Europa. En reiteradas ocasións, como neste artigo de opinón en Galiciapress, Capela negou que o seu colectivo sexa antivacunas. Insiste, iso si, en que é necesario máis estudos sobre a vacina do papiloma, que só se administra ás mozas adolescentes, dados os seus efectos secundarios.

En todo caso, as xornadas non falan só sobre as vacinas, senón, como o seu nome indica, sobre a saúde feminina. Tamén falarán a presidenta da Asociación Galega para a Defensa da Sanidade Pública, María Luisa Lores; Carmiña Mosqueira, epidemióloga da Consellería de Sanidade de Asturias especialista en cancro de mama; Elena Gil, da coordinadora O Parto é Noso, a actriz Iria Pinheiro e a xinecóloga Isabel Blanco. 

Cando este luns o Concello retirou o seu apoio, Senra denunciou "unha grave vulneración do dereito á liberdade de expresión improopio dunha democracia".