Pedirlle agasallos ao Apalpador xa é máis fácil

A Mesa pola Normalización Linguística acaba de lanzar varias iniciativas ao rededor da figura do Apalpador. Aos poucos, este personaxe tradicional nalgunhas partes de Galicia vaise facendo un oco na dura competencia entre Papá Noel e os Reis Meigos.

A maior asociación cultural do país publica unha carta ao Apalpador, xogos e unha unidade didáctica para que "a mocidade galega poida gozar do Nadal na súa lingua".

As ilustracións son obra do artista Óscar Villán e viran ao redor da lenda deste carboeiro, que, segundo relata a Mesa, nas noites do 24  e 31 de decembro baixaba dos nevados cumes. Despois de apalpar as barrigas dos nenos, deixáballes agasallos, castañas e doces.